UThembile noNolwazi sisibini esitshatileyo esiseze ngobuso ezweni kwelo laseMbizana. Izinto zabo zibahambela kakuhle. Banengqilikazi yomzi omhle, baqhuba iinqwelo ezikudidi oluphezulu kwaye abantwana babo bafunda kwizikolo eziphucukileyo. UThembile usebenzela uMasipala waseMbizana njengoMlawuli omkhulu kaMasipala. Zonke izigqibo namagunya enziwa nguye kwaMasipala.

Nanjengomqeshi uThembile uye waqesha imbelukazi apha kwaMasipala egama linguThumeka njengoMphengululi Zincwadi Wangaphakathi. Baye basebenza kunye amaxesha amaninzi, nasezintlanganisweni behamba kunye kanti iindonga zizakuwelana. Ngomnye ulwesihlanu uThembile noThumeka baye bahamba kunye besiya entlanganisweni yooMasipala eMthatha, baza bavumelana kwelokuba bangabuyi koko bazikhuphele eMzamba ngaloo mpelaveki.

Kwelinye icala uNolwazi oyititshala ngokusebenza ushiyeke ekhaya nabantwana esazi nje ukuba indoda ayizubuya. Ugqiba kwelokuba ahambe nabantwana baye eMzamba. Zifundele ke mfundi uzivele, kaloku indaba yotyelo ayikholi.