Hierdie kursus sal jou help om verskeie belangrike aspekte van jou lewe te ontwikkel. Jy sal meer van jou regte en die regte van ander te wete kom. Jy sal meer leer omtrent ’n gesonde dieet, die versorging van jou liggaam en om skadelike dinge soos geweld en dwelmmiddels te vermy. Jy sal ook uitvind hoe jy Suid-Afrika se omgewing kan help deur water te bespaar. Aktiwiteite in Uitvoerende Kunste en Beeldende Kunste sal jou help om jou kreatiwiteit te ontwikkel, en jy gaan teikenspeletjies buite speel wat jou mik- en gooivaardighede sal bevorder. Jy sal teen die einde van die jaar nuwe vaardighede en kennis aangeleer het wat jou sal help om jou drome waar te maak.